Գլխավոր էջ » 2012 Մայիս
1992թ. այս օրը նշանավորվեց մեր նորագույն պատմության ամենափայլուն հաղթանակներից մեկով` ազատագրվեց հայոց հինավուրց Շուշի քաղաքը։ Սրանով բեկում մտցվեց ողջ Արցախյան պատերազմում: Շուշիի ազատագրումից հետո հայկական զինուժը ազատագրեց նաեւ մերձակա բնակավայրերը, Բերդաձորի ենթաշրջանի գյուղերը, Բերձորը (Լաչին), եւ մայիսի 18-ին բացելով "Մարդասիրական միջանցքը” ` հասավ ՀՀ սահման: Դրանով Արցախյան շարժումը թևակոխել է որակական նոր փուլ: Լիակատար ու ամբողջական է դարձել ԼՂՀ անկախությունը: Շուշիի ազատագրումով վերջնականապես ամրապնդվել է թվաքանակով ու միջոցներով գերակշռող թշնամուն սեփական ուժերով հաղթելու հավատը: ՀՀ-ում և ԼՂՀ-ում մայիսի 9-ը պաշտոնապես հայտարարված է "Շուշիի ազատագրման և հաղթանակի” օր: Արցախն այս օրը տոնում է նաեւ ԼՂՀ պաշտպանության բանակի հիմնադրման տարեդարձը:Այս պահին Ստեփանակերտում զորահանդես է, որին ներկա են ՀՀ երկրորդ եւ գործող նախագահները եւ Գարեգին Բ կաթողիկոսը: |
