Չեմպիոնների լիգայի 1/8-րդ եզրափակչի պատասխան խաղից առաջ Պեպ Գվարդիոլայի գլխավորած «Բարսելոնան» լուրջ հիմք էր դրել կիսաեզրափակիչ դուրս գալու համար, սակայն սեփական հարկի տակ եւս կատալոնացիները չթուլացրին զգոնությունը ու գերխոշոր հաշվով հաղթանակ տոնեցին:
Մինչև ընդմիջում Լեո Մեսսին երկու անգամ անհատական վարպետության շնորհիվ կարողացավ գրավել Բայերի դարպասը, իսկ հյուրերը առաջին կեսում այդպես էլ չկարողացան անհանգստացնել Վալդեսին:
Հանգստից հետո լեվերկուզենցիները լիովին տապալվեցին: Մեսսին ևս երեք անգամ դարձավ գոլի հեղինակ՝ մեկ խաղում առաջին անգամ հինգ գոլ խփելով Չեմպիոնների լիգայում:
Երկու անգամ էլ գոլի հեղինակ դարձավ փոխարինման մտած Տելլիոն:
Խաղավերջում Բելարաբին մեկ գնդակ կարողացավ խփել: «Բարսելոնան» ուղղակի ջախջախեց Բայերին 7-1 հաշվով: Ընդհանուր հաշիվը դարձավ 10-2:
